Fasnachts-Dangg 2026 - Veranstaltungs-Kalender

Fasnachts-Dangg 2026

S isch wider Zyt für «vyle Dangg»!
An Glygge, Wääge Schnitzelbangg
Dangg an divärsi Variante
Vo Super Sujet-Liferante!
Nit alles isch hüt nur zum Lache
S git Mänggs,wo d findsch, dasch nit ganz bache!
Gnau das darf d Fasnacht persifliere:
Verspiilt sy und im Üble riehre!
Dr Dangg gilt au de guete Gaischter
De Fasnachts-Service-Public-Laischter:
Dr Schuggerei und de Kadette
Au dääne, wo dien hälfe rette
Sanideet, Allmändverwaltig
Au s Baudep hilft ys wider gwaltig
E Dangg de Wääse mit de Bääse
Wo s letschte Räppli zämmelääse!
Dr Petrus het sy Job au gmacht
D Sunnen und d Frau Fasnacht lacht!
Mer hänn die drei Dääg wirgglig gnosse
Jetz wird d Scharadekischte gschlosse!
Und nonemoll e Danggschön alle
Uns het die Friehligs-Fasnacht gfalle!
Blyybet verspiilt und gniessets, Lyt!
Ganz frieh kunnt wider unseri Zyt!
S nägggscht Johr isch, scho Mitti Hornig
D Fasnachtswält für uns in Ornig!
Härzlig: sFasnachts-Comité

Fotos 2026 vom VARI
vom Drummeli, Charivari,
Kinder-Charivari, Laaferi
und em Zofinger-Concärtli

Näggscht Fasnacht, wenn es am 15. Hoornig 2027 wieder heisst:
Morgestraich – Vorwäärts – Marsch! Méér fraye iss druff!