So, jetzt luege Sy emol my Nääsli im Profyyl:
majesteetisch, foormvolländet und grazyyl
Si, bim Teschte im Laboor Rothen sait dää Fleegel
„Do längt e Stääbli nit - Y hool e Drummelschleegel“
Dr stolzi Bsitzer vo dämm desolaate Hirni doo
isch e Fuessballspiiler mit em Naame Embolo
Die letschti Zälle, wo Si do no schwach gseen blingge
längt offesichtlig us, zem an e Balle gingge
Im Claaraschpittel, d Schnuuren abwäärts scho bedeubt
frog ich dä Tüpp do mit sym Mässgli, wo sich schtreubt:
„Mache Si dä Yygriff jetzt an mynre Milz?“
No sait dä: „Nein, ich hier nur putzen Schimmelpilz“
Für schööni Blueme, dasch my persöönligi Erfaarig
bruuchts ökumeenisch yywandfreyi Pflanze Naarig
Y ha im Gäärtli Roose, Dulpe und Narzisse
Do hämmer d Bättler regelmäässig yynegschisse
Hänn Si ghöört? Jetzt kunnt denn s Grundrächt für Primaate
Jo, d Orang Utan griege Gschiirschpiel Automaate
Kreeftig spaare könntsch im Unischpittel oobe
wenn D‘ Schimpansen aastellsch, anstatt düüri Schwoobe
Zem Claus & Carla, do stelle y amme s Üürli
gang y jeede Fryttig für e schööns Frisüürli
Ändi Moonet isch my Bsuech ammen e schnälle
Für s glaine Budget gits döört nur en Arschlan Wälle
My Fründin, s Doorli, die mit de grumme Bai us Duggige
rieft ständig «Na Zdarovje» und «Navalny» mit so Zuggige
Guet, jetzt isch z schpoot, jetzt bruucht sy au nümm schimpfe
Sy hätt sich gscheyter vo de Russe nit lo impfe
