Schweizerfahne
Der Veranstaltungs- & Freizeit-Ideen-Kalender
mit mehr Inhalt als man denkt!

BSG git grad die Mäldig duure!



Guete Daag Mitenand! BSG git grad die Mäldig duure!

S'isch verruggt, was aggduell wieder grad abgooht in dr Wält.
Wie ihr sicher erfaahre hänn,
het s'Fasnachtscomité gescht bereits scho dr Cortége fir die kommendi Fasnacht 2022 abgsait.
Druurig han y das zer Kenntnis gnoo aber ha's eehrligg gsait
au nit anderscht erwaartet bi dääne bestäätigte C-Fäll.
E glaine Fungge Hoffnig blybbt fir uns Bänggler;
sodde d'Baize könne offebhalte, könne mir unser Brogramm normaal abspuele.
Und wär weiss, villicht git's denn eifach 3D:
Drey-Dääg-Dsyschtig - was ych de Glygge, Wääge (halt ohni Waage),
Chaise (halt ohni Chaise), Gugge uff jeede Fall wuurd wünsche.

D'Obmänner vo de säggs Schnitzelbangg-Gsellschafte
hänn sich vorgescht noonemoll online droffe und die aggduelli Situatioon beurteilt.
Doodrzue han ych Eych folgendi News:

Alli Gsellschafte (ussert Comité 1914)
blaane wytterhiin e normaali Fasnacht,
ainzelni Bängg mache uss verschiidene Gründ nit mit.

Vo de Baize wisse mer bis jetzt numme vom Mövenpick,
ass si im näggschte Joor nüt mache wäärde - evtl. au Rhywyera

S'Telebasel isch wieder im Kohlmanns stationiert. Mer sinn im Ussdusch
Au Bajour het wieder aagfroggt und isch öbbis am blaane

Je nach däm wäärde mir als Bänggler Bändeli draage,
ass nit immer s'Zertifkaat zaigt wäärde muess.
Do waarte mir aber no ab, was s'Comité macht (evtl. blaane die äähnliggs)

S'Lägger-Huus wird im 2022 s'letschte Mool e Zyttig usegää.
Dernoo wird die doch sehr beliebti Zyttig leider yygschtellt

Die näggschti Sitzig isch am 19. Januaar -
wenn vorhäär nyt bassiert. Au do wird ych Eych wieder informiere.

Schlussändligg blybbt ys nyt anders üübrigg,
als vorussz'luege und z'hoffe -
uff jeede Fall wünsche mir Eych und Eyrne Liebschte ganz scheeni Feschtdääg
und e guete Rutsch in's neye Joor.
E grosses Danggerscheen au an unseri Frinde, won ys au dis Joohr wieder finanziell unterstützt hänn!

Und denne no! Do singt d BSG

Grossbasel:
Restaurant Aescheplatz (2x)
Atlantis
Kohlmanns
Hotel Basel (2x)
Löwenzorn
Rasser-Theater (2x)
Brasserie Baselstab (Mövenpick)
Restaurant Schlüssel
Scala Basel

Glaibasel:
Volkshaus
Hotel Europe
Häbse Theater und Klause (2x)
Rhywyera
Hotel Merian (s’Spitz)
Restaurant Torstübli (2x)



Im Name vom BSG Vorstand
Eyre Obmaa Dani