Vom Fasnachts-Comité Basel der Fasnachtsdangg 2023

<h1>CH Veranstaltungs- & Freizeit-Ideen-Kalender & Fasnachts-Kalender der Schweiz </h1>

<h1>Fasnachts-Comité Basel der Fasnachtsdangg 2023</h1>

Fasnachtsdangg 2023

S Bebbihärz wird windlewaich.
Ändlig wider Morgestraich!!!!
Mit Cortège, Zyschdig, Gässle znacht
Alles, was ys glügglig macht!
Lang hämmer alli miesse warte
Bis mer hänn dörfe duurestarte
Bängg, Glygge, Wääge, Zügli, Gugge
Hänn dütlig zaigt, was ys duet drugge!
Für Pointe, Witz und s Persifliere
Darf me drum alle gratuliere!

Dr Dangg gilt allne guete Gaischter
De Fasnachts-Service-Public-Laischter:
D Drämmler, d Schugger, d Füürwehrmanne
Alli dien ihr zämmespanne
Die guete Gaischter mit de Bääse
Wo s letschte Räppli zämmelääse.
D Saniteet, d Allmändverwaltig
Au s Baudep hilft ys wider gwaltig
Ass d Frau Fasnacht fröhlig lacht.
Und nit emoll dr Petrus bacht:
Dä hebbt, was Meteo verspricht
Und macht sy Laade drey Daag dicht!

Wie jeedes Johr am Donnschtigmorge
Wämmer jetz alles schön versorge
Und freuen ys, s näggscht Johr im Hornig
Isch z Basel wider rächti Ornig!

S Fasnachts-Comité
Basel, am 2. Meerze 2023

No e baar Infos fir nach dr Fasnacht 2023

Zeltaktion 1. Lektion auf dem Barfi 03.03. & 04.03.2023

Bummelsonntage: 05./12./19. März 2023